Innlegg

Noko å sjå på for matglade «strøymera»

Svolten på noko godt å strøyme? Kortmat har skumma igjennom Netflix og NRK TV-App, og sanka saman eit lite “smörgåsbord” av kortreiste og langreiste dokumentarar og seriar som er verdt å få med seg. Her finn du mellom anna mat frå Norden og verdas hjørner, insekt, gourmet og saké på menyen.  

 

Kortreist frå NRK TV-app

 

1. Biebbmo – samiske mattradisjoner (2014)

Svensk dokumentar. Biebbmo er det lulesamiske ordet for mat. Men kva er samisk mat? Og kvifor er den så viktig å bevare? Matambassadør Greta Huuva loser oss gjennom eit heilt år i det samiske landskapet, som også er samene sitt tradisjonelle spiskammer. Blant forsommerens delikatesser finner vi nye bjørkeskudd, kvannen som spirer ved bekkane, og bark frå furu. Seinare er det moltene som sankast frå myrane. Hausten er slaktetid, og deretter følger jakt på både elg og fugl.

 

2. Insekt som middag (2016)

Dansk dokumentar. Etande insekt er ifølge FN ein ressurs som kan bidra til å motverke sult i verda. Kokkar og gastronomar framhevar den gode smaken, og det er både miljøvennleg og næringsrikt. Forskerane og kokkene på Nordic Food Lab i København har reist rundt i verda for å samle kunnskap om korleis insekt allereie brukast som mat i mange samfunn. Men vil industrielt produserte insekt smake like godt? Og er mat laga av insekt eit symptom på ei krise eller løysinga på den?

 

3. Skandinavisk mat (2015)

Australsk matserie. Ein matrevolusjon er over Skandinavia. Australske Adam Liaw reiser nordover for å bli kjend med nordisk mat, historie, kultur og framtida for nordisk matlaging. Første stopp er København, der han lærer kunsten å lage ein perfekt kopp dansk kaffe. Vidare i serien utforskar han våre nordlegaste trakter. Han besøker restaurant Huset i Longyearbyen, tilbereder gravlaks i ei Moelven-brakke og er innom Svalbard sitt globale frøhvelv. Serien byr på mange mateventyr i Norden, samisk tradisjonell mat, krabbefisking i Bergen og eit innblikk i kva som rører seg i kulissane til den grensesprengande Michelin-restauranten Maeemo i Oslo.

 

 

 4. Utan mat og drikke (2015)

Norsk dokumentar. Kan vi leve av berre norsk mat? Ida og familien hennar prøvar i ein heil månad. Dei må kutte ut kaffi, sukker og all ferdigmat, og brøda må vere av surdeig. Dessutan dyrkar dei potetar, har høner i hagen og lagar sukkerfritt syltetøy frå eigne bær. Vi møter norske bønder, kokkar og ekspertar innan matproduksjon og samfunnssikkerheit som kan fortelje meir om norsk mat. Men er eit heilnorsk kosthald betre for oss, og har vi nok mat i Norge om importen brått skulle bli forhindra?

 

 

Langreist frå Netflix

 

 5. Chef’s Table & Chef’s Table – Frankrike (2015-)

Chef’s Table er kanskje ein av dei mest kjende matdokumentarseriane på Netflix. Kvar episode tek for seg ‘etosen’ til nokon av verdas mest begava, esentriske og visjonære kokkar som Dan Barber og Francis Mallmann. Til tider er den litt vel pompøs, men likevel ei av dei store matopplevingane på straumen. Rettane er som kunstverk å rekne, og like mykje eit syn for auge, som ein smaksfest for ganen om vi skal tru lovorda frå verdas matelite.  

Chef’s Table er no også ute med ein eigen fransk versjon: Chef’s Table – Frankrike der ein blir kjend med nokon av dei mest revolusjonerande mesterkokkane til det franske kjøkkenet.

 

 6. Cooked (2016-)

Cooked er ein mini-dokumentarserie der vi følgjer den anerkjende matskribenten Michael Pollan på ei reise gjennom ulike element som har revolusjonert maten vi spis. Serien har totalt fire episodar, og kvar episode tek for seg eit av dei fysiske elementa som har blitt brukt til å forvandle rå ingrediensar til delikate retter: ild, vatn, luft og jord. Pollan prøvar seg på baking, brygging, og bresering, og utforskar korleis matlaging forandrar og formar verda vår.

 

7. The Birth of Saké (2015)

Ein cinematisk dokumentar som gir eit innblikk i livene til handverkerane ved Yoshida-bryggeriet, eit 144 år gamalt familieeigd bryggeri i Nord-Japan. Dei legg entusiasme og erfaring til grunn når dei lagar saké i verdsklasse.

 

 

8. The Mind of a Chef (2012 – )

I dokumentarserien “The Mind of a Chef” inviterer David Chang deg med på ei matreise utan like for å vise kva som har inspirert han og matlaginga hans. Her er stor variasjon på menyen, frå Ramen-nudlar i Japan til fideo og salta torskeomelett i Spania. Serien blandar saman matlaging, reise, vitenskap og historie, og viser fram oppskrifter som kan reproduserast heime, spennande restauranter, gode historier og eksperimentering med mat i stor stil.

 

Har vi gått glipp av din matfavoritt på straumen? Tips oss i kommentarfeltet under. 

 

, ,

Noko å glede seg til: matfestivalar i 2017

Matglade, svoltne så vel som tørste, har mange gode matfestivalar å glede seg til i år. Vi har begynt på ei oversikt som vi håpar vil vekse seg større i løpet av året. Her vil du finne mykje godt å bite i, og det kan fort bli vanskeleg å velje kva du skal få med deg av dei store smaksfestane i 2017.  Og om favorittfestivalen din ikkje er på lista, så kan du tipse oss 🙂 

 

FEBRUAR

Tråante 2017

Trondheim / 6-8. februar

12 lavvoar blir til ein midt i hjarte av Trondheim når Tråante feirar norsk reinkjøt og reindrifta i eit mangfald av smak og særpreg frå helten på vidda. Festivalen lovar tre fantastiske dagar med ein arena full av liv, lukt og smak. Her blir det produsentar av reinkjøt og reinkjøtprodukt, samt duodjiutøvere med handverk i samisk tradisjon.

 

MARS

Spis og Drikk-festivalen 2017

Oslo Spektrum / 3-4. mars 2017

I mars arrangerast Spis og Drikk i Norge for første gong. Den er blant landets største festivalar for deg som likar god mat og vin. Her blir det vin, champagne, whisky, cocktails, øl med mykje fantastisk mat som kombinerast med noko godt i glaset. Her kan ein også vere med på ulike kurs kor ein kan prøve seg fram med å mikse eigne drinkar.


MAI

Oslo Vegetarfestival

Hausmannsgate 14-16, Oslo / 13 -14. mai

Oslo Vegetarfestival vil vise det beste som vegetarverda har å by på. Bli med på ei helg stappfull av herleg mat, fine produkt, spennande foredrag og inspirerande kokkekurs. I fjor kunne festivalen skryte på seg 6000 besøkjande, og i år har dei også ”plenty” med plass: eit stort uteområde med matstands, tre etasjar med stands inne på DogA og to etasjar inne i Kulturkirka Jacob.

 

JUNI

Norsk Laksefestival

Surnadalen / 22.-25.Juni

Nok ein gang arrangerast Norsk Laksefestival i Surnadalen. Her blir det marknadsgate, fiskekonkurranse, ein heilaften med norsk popmusikk og mykje anna for heile familien. Mellom anna familieshow og ablegøyer med underhaldingsartisten VirrVarr. Programmet deira finn du her.

 

Matfestivalen i Numedal

Numedal / 30.juni og 1. juli

Billetsalget til matfestivalen i Numedalen er i gang og dei tilbyr spennande 5-rettars lokalmatmeny med matteater, lokalmatmarked, pølsekurs, kappmjølking og konsert. Festivalen arrangerast i Rollaug sentrum som ligg midt i Numedal, ca. 1 time med bil frå Kongsberg i retning Geilo. Om du kjem med  telt, campingvog eller bubil, så kan  du bu på festivalcampen på Rollaug skule. 

 

JULI

GLADMAT

Stavanger / 19 – 22. juli

I juli arrangerast Gladmat, Nordens største matfestival, for 19. året på rad. Festivalen beskrivast som eit utstillingsvindaug for matproduksjon, gastronomi og matkultur, og ein viktig møteplass for forbrukerar og foredlerar av mat. Gladmat ynskjer å vise fram nisjeprodukt, råvarer og det siste innan trendar. Samstundes ser dei etter deltakerar som representerer lokale kvalitetsprodukt med unike historier.

 

Tuppeline på Trøndersk Matfestival i august i fjor. Foto: Wil Lee-Wright / Oi! Trøndersk Mat og Drikke AS

 

AUGUST

Trøndersk Matfestival

Trondheim / 3. – 5. august  

Trøndersk matfestival er blitt Norges leiande lokalmatfestival med mange utstillerar samla frå ein region. Dei serverer nye og spennande produkt og matretter i tillegg til tradisjonsretter. Alt basert på råvarer, produkt og matspesialiteter frå regionen.

 

Bryggerifestivalen

Trondheim / 3 – 5. august

Side om side med Trøndersk Matfestival arrangerast Bryggerifestivalen i Trondheim. Festivalen er ein utstillingsplass av spesialøl og handbrygga øl frå bryggeri i Midt-Norge. I tillegg inviterer dei også bryggeri frå andre regioner og land. På festivalen blir det smaksarena for mat og øl med ei rekke ulike ølsortar, Øl og Mat NM – eit meisterskap for heimebryggjerar, kurs/foredag som passer for både nyfikne øl-entusiastar og fagfolk, og festmiddag i samarbeid med Trøndersk Matfestival.

 

Skalldyrfestivalen

Mandal / 10.-13. august

10.-13. august er det klart for Sørlandet sin største matfestival: Skalldyrfestivalen.  Då blir Mandal sentrum gjort om til eit stort festivalområde med eit yrande folkeliv og sydlansk stemning. Bryggegata blir fylt med restauranttelt, matmarked, utstillarar, street food, kokkeskule for born, og VM i rekepilling. Her er også underhaldning med konsertar, gatemusikantar og tivoli.

 

Mimi goes glamping

Åmot Operagard / 18.-20. august

Opera, natur, fantastisk mat og myke moro! Dette er berre noko av det Mimi goes glamping lovar festivalgåerane sine. Opplev arier på fjorden i historiske båter, opera på låven, overraskingar rundt bålet under stjernene, poesi og musikk, yoga og mykje meir! Søndag 20. august flyttar også Bondens Marknad inn på festivalen. Her kan du smake på herlege gourmetoverraskingar basert på lokale råvarer. Festivalen har fått mykje merksemd internasjonalt og Opera Now har komme med følgande utsegn:  «When the event catches  on they might well have to kill for a ticket.»

 

Den Norske Matfestivalen

Ålesund / 24.-26. august

Den Norske Matfestivalen i Ålesund er ein festival med lang tradisjon og går av stabelen for 33. gang den 24. til 26. august 2017. Her blir det mange spennande utstillerar, fagseminar, kurs, gode mat- og drikkeopplevingar på festivalarenaen og festivaltilbod på eit utvalg av byen sine flotte restauranter.

 

Godt i Gapet 

Florø / 25-26. august

Smaksfesten følger fjorårets suksess med Bondens marknad i gågata, lokal mat og drikke, stand med eksotiske smakar frå andre hjørner av verda og gourmetkveldar på byens utestader. Det blir også truleg eit skikkeleg øltelt med mikrobryggeri frå rundt omkring.

 

SEPTEMBER

Bergen Matfest

Bryggen i Bergen / 1-3. september

Bergen Matfest går av stabelen i september og lovar eit vell av gode smakar frå dyktige lokalmatprodusentar, utsøkte menyar i restaurantteltet «Matbyen Bergen», internasjonalt Unesco gastronomideltaking, kokkeshow, matkurs, konkurransar, barneaktivitetar og supergod stemning.

 

BØ – Bergen Ølfest

Bergenhus Festning / 1-2. september

Bergen og Norges største ølfestival på Bergenhus Festning. Festivalen har fokus på handverksøl og ynskjer å vise at øl er så mykje meir enn berre «halvliteren». Her blir det nye opplevingar knytta til øl og mat, både når det gjeld smak og kunnskap. På festivalen kan ein gjere seg kjent med ølet si spennande verd og dei som bryggjer det her i Norge. Temaet i år er «tid»: ølhistorie, den nye mikrobryggeribølgja, brygging før og no, og ølet si framtid.

 

Matstreif

Rådhusplassen og Kontraskjæret i Oslo / 22-23. september

Matstreif er Norges største matfestival og arrangerast årleg av Innovasjon Norge på oppdrag frå LMD. Dei hadde ca. 235.000 besøkjande i fjor og årets festival er på Rådhusplassen og på Kontraskjæret. Her vil store og små matentusiastar kunne møte produsentane og få mogelegheit til å smake seg gjennom noko av det beste Norge har å by på av kvalitetsvarer.

 

SMAK

Tromsø / 22 – 23. september

SMAK er matfestivalen for og i Nord-Norge, midt i matfatet Tromsø. Tromsø er Norges nest største fiskevær og vertskap for prislønna produsentar av mat, produkt av høg kvalitet og gode restaurantar.

 

Matamål 

Sandane / 30 september

Matamålfestivalen er den største og beste marknadsplassen for sal av lokalmat mellom Trondheim og Bergen! Torgdagen er laurdag den 30 september og vert som tidlegare arrangert på Heradsplassen i Sandane sentrum. Her vert det mange spennande standar med god lokal mat og drikke. I tillegg vert det også ei rekkje aktivitetar i området, matservering, besøksgard for born og auksjon for å nemne nokre.

 

Norsk Matglede på Geilo. Foto: Paul A. Lockhart.

 

OKTOBER

Norsk Matglede

Geilo / 6-8. oktober

Norsk Matglede inviterer til matfest og matglede i høgfjellet i oktober. Festivalen har fokus på småskalaproduksjon, økologiske råvarer og kortreist mat. Lørdag 7. oktober arrangerast det eit stort matmarked med kun norsk lokalmat frå småskalaprodusenter, frå kl. 10-17. Kokkekamp, matauksjon og servering av hallingtapas er alltid faste poster på programmet denne dagen.

 

Matfestivalen i Lofoten

Lofothallen på Leknes / 14 -15. oktober

Under matfestivalen blir Lofothallen på Leknes omgjort til ein spennande arena for lokal mat og matkultur. Heile Nord-Norge er eit gedigent spiskammers for god mat, enten råstoffet kommer frå hav eller land. Amatørar og profesjonelle, kjente og ukjente kokker, vil være til stades og der vil vere mange matglimt og bitar som er verdt å få med seg. I hallen vil det også vere eigen restaurant med smakfulle retter av fisk og Lofotlam.

 

NOVEMBER

Fagernes Rakfiskfestival

Fagernes / 3. til 5. november

Med 25.000 besøkande kvart år har Norsk Rakfiskfestival etter kvart blitt ein av dei største marknadsplassane for norske småskalaprodusentar. Her omsettast det ca. 15 tonn rakfisk i løpet av festivalhelga, og i tillegg kjem det over 110 andre utstillarar som fyller gatene med norske kvalitetsprodukt innanfor norsk mat og handverk.

 

Tips oss!

Veit du om ein smaksrik festival som ikkje har komme med på lista vår? Del den med oss då vel ved å sende ein e-post til sirilinn@kortmat.no